दिपक ढुङाना "दियालो" 

             १  
ग्रह-दशा उल्टो सुल्टो चलेपछि के लाग्छ र l
समय अनि नियतिले छलेपछी के लाग्छ र ll
बाध्यतामा कैले काहीँ रोक्नु पर्दो रैछ यात्रा l
हिड्दा हिड्दै पाइलाहरु गलेपछी के लाग्छ र ll
                   २
सुख हुँदा नाता जोड्ने कति हुन्छन कति l

दु:ख पर्दा साथ छोड्ने कति हुन्छन कति ll
अजम्बरी पिरतिको नाता टुटाएर l
पराईको घुम्टो ओड्ने कति हुन्छन कति ll

               ३

शोषित पिडित जनताको सम्मान हुनुपर्छ l
दबिएका जनजातको उत्थान हुनुपर्छ ll
बर्सौं भयो न्याय निसाफ हराएको देशमा l
अब देशमा न्याय दिने सम्बिधान हुनुपर्छ ll

दिपक ढुङाना "दियालो" 

पथरि मोरङ

सुरज गुरुङ 

जिन्दगीमा सधै भरी हिडीन्छ गन बोकेर
घर परिवार सम्झिएर चिसो मन बोकेर

बस्ने खाने ठेगान हुन्न न दिन दुनीयाको
हिड्नु पर्छ ठाँटले यस्तो यो जिवन बोकेर

उता देखी बुढी आमा तार गर्नु हुन्छ जब
बोल्ने गर्छु सम्हालिदै टिल्पिल् नयन बोकेर

न खोला न नाला न हावा न हुरी भन्नु पर्छ
गिता छोई खाएको कसम र वचन बोकेर

प्यारी भन्छिन् सपनमा देखे थें हजुरलाई
के थाह उस्लाई हिडेको छ रासन बोकेर

- सुरज गुरुङ

लामाजुङ हाल भारत

साबित्रा बास्कोटा

यो देस का नेताहरु  जनता छल्ने दाउ मा छन
दोधारे छन, दुइ खुट्टा दुइ तिरकै नाउ मा छन । ।
परिवर्तन गर्छौ भन्थे ठुला ठुला आशा देखाइ
उही पुराना सैलि हरु अनि हाउभाउ मा छन । ।
बिस्वास गरे जनता ले परिवर्तित नेतृत्व लाई
निरन्कुसता ढाल्छौ भन्थे कुसासन कै ठाँउ मा छन । ।
शान्ती न्याय स्वतन्त्रता ल्याउने कुरा गर्थे पहिले
अझै सोसक जालीझेली शहर अनि गाउ मा छन । ।
जुनै जोगी आए पनि कानै चिर्या भने जस्तो
भोका नाङा सर्वहारा अझै साहु कै पाउ मा छन । ।
सत्ता मोह रैछ सबलाई स्वार्थकै छ राजनिति
यसरि नै डुब्दै छ देस, जनता दुख्या घाउ मा छन

सबित्रा बस्कोटा
साब्लाखु ताप्लेजुङ
हाल- किर्तिपुर

           १

अनायासै कसैको दिलमा, बाँस नगर !!
सुटुक्कै मन चोर्ने कसैको, साहस नगर !
मन सबैको एउटै हुन्छ, बुझ्न् पर्छ तिमिले
मनले मनलाइ धोका दिने, प्रयास नगर !!