गजल

धर्मेन्द्र तिम्सिना क्षितिज 

कुन देशको संविधान बनेको छ चक्काजामले 
जनतालाई पीडा मात्र थपेको छ चक्काजामले

विहान बेलुका छाक टार्न ढिकी जाँतो गर्नेलाई 
दन्दिएर ज्वालाले झैं पोलेको छ चक्काजामले

गरिबका उत्साह अनि उमंगहरु सबै जलाएर 
कलंकको खोक्रो इतिहास बोकेको छ चक्काजामले

सन्तानले दुख पाएपछी आमाको आँखाबाट 
अविरल आँसु मात्र झारेको छ चक्काजामले

बन्द हड्तालहरु सबै रोकेर सहमती गर अब 
किनकी देश टुक्राउन आँटेको छ चक्काजामले

       अमेरिका