काठमाडौ, माघ २ - सहमति नभए प्रक्रियामै गएर पनि माघ ८ मै संबिधान जारी गर्नुपर्ने माग गर्दै संबिधानसभाका ४१३ सभासदले सभामुख सुबास नेम्वाङलाई हस्ताक्षर बुझाएका छन् । आज संबिधानसभामा सभासद चित्रबहादुर केसीले सभामुख नेम्वाङलाई ४१३ हस्ताक्षर बुझाएका हुन् ।
हस्ताक्षर संकलनको नेतृत्व सभासद प्रकाश ज्वालाले गरेका हुन् । हस्ताक्षर बुझ्दै सभासद सुबास नेम्वाङले दलका नेताहरुले दुई घण्टामा सहमति गर्छु भनेपनि सहमति गर्न नचाहेको बताए ।
'दलका नेताहरुले नचाहेर सहमति नभएको हो', हस्ताक्षर बुझ्दै नेम्वाङले भने,'बिषयवस्तु र प्रक्रियामा सहमति भए अझैं पनि माघ ८ मा संबिधान आउछ नत्र गाह्रो छ ।'
सत्तारुढ दल कांग्रेस र एमाले सहमति नभए प्रक्रियामै गएर संबिधान जारी गर्नुपर्ने पक्षमा भए पनि प्रतिपक्ष एमाओवादीसहितको ३० दलीय मोर्चाले प्रक्रियामा गएर संबिधान बनाए आन्दोलन गर्ने चेतावनी दिएको छ ।
0 प्रतिकृया:
Post a Comment