कैलाली क्षेत्र न १,२ र ३ का थारु समुदायको सहभागितामा भएको विरोध सभामा विहीबार बोल्दै आफूलाई मधेशी मुलको हस्ती भन्न रुचाउने अमरेशले थारु समुदायले हतियार उठाएर पहाडीलाई तराईबाट लखेट्नुपर्ने बताए ।
थारु समुदायलाई उस्काउँदै कांग्रेस नेता सिंहले मिलेर बसेका समुदायलाई साम्प्रादायिक द्धन्द्धमा जान प्रेरित गरे । उनले खुलेरै भने-‘अब थारु समुदायले हतियार उठाउनुपर्छ । तब मात्र थारुहरुले अधिकार प्राप्त गर्नेछन ।’ उनले यति मात्र भनेनन् बाहुन र क्षेत्रीलाई खसबादीको संज्ञा दिए ।
सदियौं देखी मिलेर बसेको समुदायलाई पहाडिया बाहुन र पहाडिया क्षेत्री भएको भन्दै उनीहरुलाई हतियार देखाएर भएपनि पहाडमै धपाउनुपर्छ भन्ने अभिव्यक्ति समेत उनले दिए । उनको यस्तो अभिव्यक्तिपछि सुदूरपश्चिमका नागरिक राजनीतिक दलहरुले सदियौं देखी मिलेर बसेका थारु समुदायलाई उक्साएर हिंसात्मक आन्दोलन गर्न प्रेरित गरेको भन्दै कारवाहीको माग गरेका छन् ।
http://newkantipuraaja.blogspot.com
0 प्रतिकृया:
Post a Comment