भात अड्केर एक जनाको ज्यान गयो

खाँदै गरेको भात अड्केर पाँचथरमा एक जनाएको ज्यान गएको छ । स्याङजा घर भई अहिले फिदिम स्थित तल्लो हेवाखोला जलविद्युत आयोजनामा हाइड्रो मेकानिकको रुपमा कार्यरत ५० वर्षका बुद्ध थापाको शुक्रबार बेलुका भात अड्केर ज्यान गएको जिल्ला प्रहरी कार्यालय पाँचथरका प्रहरी निरीक्षक रविराज थपलियाले बताउनुभयो ।
भात खाँदाखाँदै अड्किएर ढलेका थापालाई उपचारका लागि पाँचथर जिल्ला अस्पताल ल्याउने क्रममा बाटोमै ज्यान गएको हो ।