गजल

सपनी मा बर्बराउँदा, सम्झंछेउ कि मलाइ आमा
तिम्रा आँखा फर्फराउँदा,सम्झंछेउ कि मलाइ आमा

खुशी हुन्छेउ या त रुन्छेउ, खबर ल्यायो भन्ठानेर
आँगनीमा काग कराउँदा,सम्झंछेउ कि मलाइ आमा

बाडुल्किनि लाग्ला पक्कै, त्यसैमाथि साँझ बिहान
घरमा आगो भर्भराउँदा,सम्झंछेउ कि मलाइ आमा

आउछु भन्दै ढाँटि ढाँटि, मिति सार्ने मेरो बानि
के के सोची मन डराउँदा,सम्झंछेउ कि मलाइ आमा

पछि लाग्थे सानो छँदा, मजेत्रो ले बोकी हिड्थ्यौ
पाखाबारी गाइ चराउँदा,सम्झंछेउ कि मलाइ आमा ||

♥ आर. सि. अधिकारी

  पोखरा