गजल

टिकाराम सिंह

कसलाई के था ढुंगाको नि दिल हुन सक्छ
जुन बिनाकै रात पनि झिलमिल हुनसक्छ

तिललाइ यदि बिशाल पहाड बनाइन्छ भने
पहाड पनि त टुक्रियो भने तिल हुन सक्छ

तिमि छौ र जीवित छु म तिमि रहिनौ भने
बाच्न त के मर्न समेत मुस्किल हुन सक्छ

उसलाई आज उफ्रिन देउ नसा पिएको छ
छोड्यो भने मदिराले उ सिथिल हुन सक्छ

छोरा छोरी आधुनिक भाषा भन्दै बोल्छन 

बाआमालाई त्यहि कुरा अस्लिल हुन सक्छ 
टिकाराम सिंह