माईभ्यालीलाई हराउँदै सिक्किम फाईनलमा

मंगलबारेमा जारी लण्डन आइस मंगलबारे अन्तर्राष्ट्रिय गोल्डकपको फाईनलमा झापा र सिक्किमले भिडन्त गर्ने भएको छ । बिहीबार सिक्किमले माईभ्यालीलाई हराउँदै फाईनलमा प्रवेश गरेको हो । बुधबार भएको अन्तिम सेमिफाइनलमा माईभ्याली फुटबल क्लब इलामविरुद्ध टाइब्रेकरमा ४–३ गोलको जित दर्ता गर्दै सिक्किम फाइनलमा पुगेको हो । निर्धारित र अतिरिक्त समयमा १–१ गोल भई बराबरी बएपछि टाईब्रेकरमा विजेता निर्धारण गरिएको थियो । खेल सुरु भएको सातौं मिनेटमा इलामका सुवास राईले गोल गरी टिमलाई अग्रता दिलाएका थिए । राईले हेड मार्फत आकर्षक गोल गरेका थिए । त्यो अग्रता निर्धारीत समयसम्म टिकाउन नसक्दा इलामको उपाधि चुम्ने सपना चकनाचुर बन्यो । प्रतिष्पर्धात्मक खेलमा ६८ औं मिनेटमा सिक्किमका लक्ष्मण सुब्बाले गोल गरी खेललाई बराबरीमा ल्याए । यता घरेलु दर्शकको बढी समर्थक पाएको इलामले पनि लगातार आक्रमण जारी राख्यो । दुवै टिमबाट गोल हुन सकेन । अतिरीक्त समयमा गोल हुन नसकेपछि टाईब्रेकरमा विजेता निर्धारण गरिएको थियो । सिक्किमले उपाधिका लागि शनिबार फाइनलमा 
दावेदार मानिएको झापा फुटबल क्लबसँग प्रतिष्पर्धा गर्नेछ ।