४० दिन बाँकी रहँदा ३० प्रतिशतमात्र बन्यो नेपालको लामो पुल

हुलाकी राजमार्गअन्तर्गत झापाखण्डको कन्काईमाईमा निर्माणाधीन पक्कीपुलको निर्माणकार्य सुस्त बनेको छ।
पप्पु माहादेव जेभिले निर्माणको जिम्मा पाएको ७ सय २४ दशमलब ८ मिटर लम्बाईको सो पुलको निर्माण कार्यले गति लिन नसक्दा निर्माण कार्य सुस्त बनेको हो । २०६८ साल जेठ ३१ गते निर्माण कम्पनी पप्पु महादेव जेभिले २०७२ जेठ ३० गतेसम्ममा निर्माण सम्पन्न गरिसक्ने गरी नेपाल सरकारको ३० करोड ४० लाख ९० हजार रुपैयाँमा सो पुलको निर्माण शूरु गरेको हो । नेपालककै सवैभन्दा लामो भनिएको सो पुलको निर्माण सम्पन्न गर्ने मिति सकिनै लाग्दा अहिले सम्म ३० प्रतिशतमात्र काम सम्पन्न भएको सडक विभाग हुलाकी राजमार्ग अयोजना कार्यालय इटहरीका इन्जिनियर रामदेब शाहाले जानकारी दिए । हुलाकी राजमार्ग अन्तर्गत पूर्वाञ्चलमा निर्माण भइरहेका पुलहरुको सुपरिवेक्षणको काम सडक विभाग हुलाकी राजमार्ग आयोजना कार्यालय इटहरीले गर्दै आएको छ